بھارت سے نیوزی لینڈ جانے والے مسافروں کی ملک میں داخلے پر پابندی

کورونا وائرس کے بڑھتے کیسز کی وجہ سے نیوزی لینڈ نے بھارت سے آنے والے مسافروں کے ملک میں داخلے پر پابندی لگادی۔
بھارت میں کورونا وائرس کے بڑھتے کیسز کی وجہ سے نیوزی لینڈ نے بھارت سے آنے والے تمام مسافروں بشمول اپنے شہریوں کے ملک میں داخلے پر 2 ہفتوں کے لیے پابندی لگادی ہے، یہ اقدام نیوزی لینڈ میں کورونا کے 23 کیسز سامنے آنے کے بعد آیا جن میں سے 17 مریضوں کا تعلق بھارت سے ہے۔
نیوزی لینڈ کی وزیراعظم جیسنڈا آرڈرن نے ایک نیوز کانفرنس میں کہا کہ عارضی طور پر بھارت سے آنے والے مسافروں کے نیوزی لینڈ میں داخلے پر پابندی لگائی ہے جو 11 اپریل سے 28 اپریل تک عائد رہے گی۔ انہوں نے کہا کہ ملک میں بھارت سے کووڈ کیسز سامنے آنے کے بعد یہ حفاظتی اقدامات لیے گئے ہیں تاہم پابندی کے دوران ہم اس مسئلہ کا حل نکالنے کی کوشش کریں گے۔

50% LikesVS
50% Dislikes

اپنا تبصرہ بھیجیں